21 лютага 2024 года ў рамках Міжнароднага дня роднай мовы дзяржаўная установа адукацыі «Патрыкаўскі дзіцячы сад» прыняла ўдзел у раённай акцыі «Чытаем, размаўляем, спяваем па-беларуску».
У гэты дзень работнікі ўстановы, дзеці і бацькі імкнуліся больш размаўляць на беларускай мове. Педагогі разам з выхаванцамі расказвалі казкі і любімыя вершы на роднай мове, выконвалі народныя танцы, спявалі, гулялі ў беларускія народныя гульні.
Выхаванцы старэйшага ўзросту групы "Бураціна" гулялі ў дыдактычныя гульні "Даміно", "Апрані ляльку", слухалі верш Янкі Купалы "Вёска", удзельнічалі ў гутарцы "Размаўляем на беларускай мове".
З выхаванцамі рознаўзроставай групы "Званочак" была праведзена гутарка "Наша родная мова", беларуская народная гульня "Ідзе Ваня", чытанне беларускай народнай казкі "Былінка і верабей" і завучванне заклічкі "Жавароначкі".
У групе "Сонейка" дзеці знаёміліся з беларускімі народным казкамі, прынялі ўдзел у драматызацыі казкі "Зайкава хатка", дыдактычных гульнях "Чый цень. Беларускае адзенне" і "Беларускія музычныя інструменты", слухалі беларускія народныя песні "Вось які Мурлыка", "Ах ты коценька - каток".
Выхаванцы малодшага ўзросту групы "Вясёлка" спявалі калыханкі, удзельнічалі ў тэатралізаванай гульні-драматызацыі "Пра малога хлопчыка Янку, які не хацеў спаць".
Для бацькой і работнікай дзіцячага сада былі аформлены інфармацыйныя матэрыялы, памяткі, праведзены акцыі "Словы любыя сэрцу", "На матчынай мове".
Дзень роднай мовы выдаўся цікавым, насычаным і вельмі вясёлым!
21.02.2023Міжнародны дзень роднай мовы
21 лютага 2023 года ў нашай установе адукацыі прайшла акцыя “Чытаем, спяваем і размаўляем па-беларуску” прысвечаная Міжнароднаму дню роднай мовы. З мэтай фарміравання станоўчай матывацыі да вывучэння і ўжывання беларускай мовы на працягу дня у нашым дзіцячым садзе праходзілі заняткі, гульні, забавы з выхаванцамі кожнай групы. Педагагічныя работнікі, бацькі і супрацоўнікі ўстановы таксама прыймалі актыўны ўдзел у тэматычных мерапрыемствах прысведчаных дню роднай мовы. Цэлы дзень гучала беларуская мова, было цікава і займальна!
раскрыть » / « свернуть«Каб мова беларуская гучала” – пад такім дэвізам 21 лютага 2020 года прайшоў Дзень беларускай мовы ў нашай установе дашкольнай адукацыі, дзе выхавацелi разам з дзецьмi i працаўнiкi размаўлялi паміж сабой па-беларуску і прымалi ўдзел у розных мерапрыемствах (чытанне казак, вершаў, разгляд малюнкаў, гутарак, гульняў i iнш.), накіраваных на папулярызацыю роднай мовы.
Мерапрыемствы мелі на мэце папулярызаваць і пашыраць сферу выкарыстання беларускай мовы ў дзіцячым калектыве, развіваць пазнавальную актыўнасць і любоў да роднай мовы. З дапамогай беларускіх персанажаў выхавальнікі стваралі камунікатыўныя сітуацыі для зносін дзяцей на беларускай мове. Такім чынам, беларуская мова гучала ва ўсіх узроставых групах.
У старэйшай групе у адпаведнасці са словамі вядомай беларускай народнай песні: «Сёння ў нашай хаце свята, калі ласка ў нашу хату. Гэй, рады прыняць – гуляць дык гуляць», менавіта так, прайшоў дзень, прысвечаны Міжнароднаму дню роднай мовы. Выхаванцы расказвалі вершы вядомых беларускіх паэтаў пра Беларусь, гучалі беларускія прыказкі і прымаўкі. Дзеці гулялі ў беларускія гульні "Золата", "Скажы па-беларуску", "Перакладчыкі". Гулялі на музычных інструментах, спявалі песні і танцавалі.
У сярэдняй групе на занятак прыйшлі беларускія лялькі Янка і Арынка, якія пазнаемілі дзяцей з вырабамі беларускай народнай творчасці.
Правядзенне дзён роднай мовы дае магчымасць нагадаць, што мы – беларусы, а наша родная мова – беларуская. Гэта тое невычэрпнае багацце, якое перадаецца з пакалення ў пакаленне і суправаджае ўсё жыццё.
раскрыть » / « свернуть