Ой, калядачкі-калядкі!
Дружна плешчам мы ў ладкі.
3 песняй па сялу ідзем,
Зорку-сонейка нясем.
А зорачка наша іскрыстая
На жытцо каласістае,
На зернейка залатое,
На дабро маладое.
На вясенку чырвоную,
На зораньку ясную,
На вадзіцу талую,
На пашаньку ўдалую.
Такімі словамі пачалася забава ў дзяцей старшай групы нашага дзіцячага сада з мэтай далучаць выхаванцаў да багацця беларускай мовы; развіваць творчыя здольнасці; выхоўваць устойлівую цікавасць да беларускіх народных свят на аснове актыўнага ўдзелу ў сумеснай творчай дзейнасці з дарослымі; стварыць святочны і радасны настрой.
Святкі, ці як іх яшчэ называюць, Святыя вечары пачынаюцца на Каляды і доўжацца цэлых два тыдні, да самага Вадохрышча. У Калядныя вечары ўладкоўваліся святочныя гулянні – па дварах хадзілі натоўпы пераапранутых, спявалі велічальныя песні, у якіх славілі гаспадароў, жадалі ім добрага здароўя, багатага ўраджаю. Усе з нецярпеннем чакалі прыходу калядоўшчыкаў з іх калядкамі. Людзі верылі, што да каго яны зойдуць, той двор у новым годзе паспяховым будзе, з дастаткам і прыбыткам.
Нашым выхаванцам спадабалася ўдзельнічаць у традыцыйных калядных варожбах, вадзіць карагод, выконваць вясёлыя песенькі-калядкі, якія праслаўляюць гаспадароў за шчодрасць, дабрыню, гасціннасць, нясуць пажаданне здароўя, шчасця і добрага настрою на ўвесь новы год.